AranyaLipee - अरण्यलिपी

अरण्य म्हणजे जंगल आणि लिपी म्हणजे भाषेला लिखित स्वरूप देणारी लेखन पद्धती. थोडक्यात अरण्यलिपी म्हणजे जंगलाची भाषा.

जंगलामधील प्राणी, पक्षी, जलचर आणि वनस्पती तसेच निसर्गात वावरणारे असंख्य कीटक तथा जीवजंतू यांच्याबद्दल जाणून घेणे व निसर्गाच्या खुणा समजून घेण्याची कला म्हणजेच AranyaLipee - अरण्यलिपी होय.

आज चहूदिशांना शहरीकरण होत असताना उरलीसुरली ही निसर्गसंपदा कशी वाचवली गेली पाहिजे याबद्दलची अधिकाधिक माहिती सोप्या, सहज भाषेतून जनमानसापर्यंत पोहोचवण्याचे माध्यम म्हणजेच अरण्यलिपी.

माणूस हा अन्नसाखळीमध्ये कधीच अग्रस्थानी नव्हता आणि नसला ही पाहिजे. मानवी वर्चस्वामुळे हताहत झालेल्या माणसेतर जीवसृष्टीचे संवर्धन कसे करता येईल व येणाऱ्या पिढ्यांसाठी त्याचे जतन कसे करता येईल याकरिता झटणारा समूह म्हणजे अरण्यलिपी.